कृष्णमूर्ति ज्योतिष: January 2014

Thursday 23 January 2014

चाहूल काळाची --------

                                      कॉलेजची पहिली टर्म संपत  आलेली होती  सहामाही परीक्षा सुरु झाली होती . परीक्षा शिस्तीत पार पाडण्याची जबाबदारी माझ्यावर   होती . परिक्ष म्हटल कि वातावरण ताण -तणावाचे असते . सकाळी लवकर येउन प्रश्न पत्रिका फोडणे , सुपरवायझर नेमणे , बैठक क्रमांक टाकणे , प्रत्येक वर्गावर प्रश्नपत्रिका ,उत्तरपत्रिका पाठविणे या कामाच्या गडबडीत मी  होतो  . पेपर सुरु होण्याअगोदर १० मिनिटे एका प्राध्यापकाचा  फोन आला , सर आज मी सुपरविजन करणार नाही . मला   थोडा रागच आला .मी  म्हटले का ? तो म्हणाला सर, घरून फोन आला आहे , आई फार सिरियस आहे, ताबडतोब निघून ये . माझा नाईलाज झाला . अशा प्रसंगी त्याला सहकार्य केले पाहिजे . म्हणून मी त्यांच्या जागी दुसऱ्या सुपरवायझर ची नेमणूक करून परीक्षा वेळेवर सुरु केली .
                                     त्यानंतर तो प्राध्यापक कॉलेजमध्ये आला . रजेचा अर्ज माझ्याकडे दिला . जाता जाता मला म्हणाला सर माझ्या आईबद्धल आपले काय मत आहे .? मी ज्योतिषाचा अभ्यास करतो . हे बहुतेक सर्वाना माहित होते . त्यामुळे त्यांनी हा प्रश्न मला विचारला होता . मी म्हटले एक पुस्तक घ्या मनात आई बद्धल विचार करा आणि एक पान  काढ . उजव्या बाजूच्या पानावरील नंबर सांगा . संध्याकाळी मी तुम्हाला फोन करून सांगतो . त्याप्रमाणे त्यांनी १६३ हि संख्या सांगितली .
                                     संध्याकाळी घरी गेल्यानंतर प्रश्नाचे गांभीर्य लक्षात घेऊन लगेचच प्रश्न सोडवायला घेतला . हा प्रश्न मी ३ नोव्हेंबर २०१२ रोजी १७=४८=१९ वाजता रे ७४ २६ अ १७ ५९ येथे सोडविला .
                                     कुंडली खालील प्रमाणे --- प्रश्न आईच्या आजारासंबधी होता .
                      चंद्र हा मनाचा कारक प्रश्न रोख बरोबर आहे  का  ते पाहू  प्रश्न कुंडलीत भावचलीतामध्ये चंद्र सप्तमात म्हणजे आईच्या चतुर्थ स्थानापासून चतुर्थात , (आईचे पहिले मोक्ष स्थान ) आईचा षष्टेश चंद्र राहूच्या नक्षत्रात , राहू चतुर्थ स्थानापासून नवमात म्हणजे आईचे बाधक स्थानात . ( आईचे लग्न कुंभ आहे )सर्व साधारणपणे गंभीर आजारी व्यक्तीच्या बाबतीत चतुर्थ ,बाधक ,मारक स्थानाचा संबंध येत असेल तर समजावे अंतिम यात्रा सुरु झाली आहे . कारण चतुर्थ स्थान हे मोक्ष त्रिकोणाचे  पहिले स्थान आहे .आजार च्या मुद्यासाठी खालील गोष्टींचा विचार होणे आवश्यक आहे
                 १) लग्नाच्या सब वरून अल्पायु ,मध्यायू  व दीर्घायू पाहावा
                 २) शष्ट भाव आजार,रोग दाखवितो 
                ३) व्यय भाव हौस्पिटल दाखवितो 
                ४) अष्टम भाव दोष ,धोका दाखवितो (शस्त्रक्रिया )
                ५) षष्ठ  भावाचा उपनक्षत्र स्वामी हाच आजारपणाचा एकमेव निर्णायक घटक असतो
                                 आईचे  चतुर्थ स्थान लग्न धरून कुंडली फिरवून घेतली आहे . आईचे कुंभ हे लग्न स्थान आहे कुंभ हे स्थिर लग्न आहे.  स्थिर लग्नाला नवम  स्थान बाधक स्थान आहे 
                                 लग्न भावाचा सब चंद्र आहे चंद्राचे कार्येशत्व ---
                         चंद्र --                                                                                       ९---- बाधक 
   न . स्वामी      राहू --९ कयू मं १०,२                                                                  २---- मारक 
         सब          राहू --९ कयू                                                                              ४----मोक्ष 
स . न . स्वामी   गुरु --३,११,४ कयू मं दृ १०,२                                                      १०---लाभाचे व्यय 

                                षष्ठ भावाचा सब राहू आहे . राहूचे कार्येशत्व ----
                           राहू ----९                                                                              ९---- बाधक         
    न . स्वामी       गुरु ----३,११,४,कयु मं १०,२                                                   २---- मारक
          सब          राहू ----९                                                                               ४----मोक्ष
  स . न . स्वामी  गुरु --३,११,४ कयू मं दृ १०,२                                                    ३----अष्टमाचे अष्टम 
                              अष्टम भावाचा सब बुध आहे . बुधाचे कार्येशत्व ----
                           बुध --                                                                                  ८----मृत्यू 
      न . स्वामी     शनि --८,१२,१                                                                      १२---- हॉस्पिटल 
            सब         शुक्र ---७                                                                             ७----मारक 
    स . न . स्वामी चंद्र ---४                                                                               ४----मोक्ष   

                              लग्नाचा सब चंद्र  ९ , १०  भावाचा कार्येश आहे . ९ ,१०  भाव आयुष्य वर्धक आहे म्हणजे वयवर्षे ६६ च्या पुढे आयुष्यमान आहे . आज त्यांचे वय ७६ आहे . वयवर्षे ६६च्या पुढे केंव्हाही मृत्यू  येऊ शकतो .
                                        लग्न , षष्ठ  व अष्टम यांच्या सब वरून व्यक्ती वाचण्याची शक्यता कमी आहे . हे निश्चित सांगता येईल . यामध्ये ५, ११ दोन्ही भाव कोठेच लागत नाहीत . षष्ठ भावाचा सब राहू ११ भाव  दाखवतो त्याच बरोबर २,३,४,९,१० हे विरोधी भाव सुधा दाखवतो 
                                   आता महादशा - अंतर्दशा पाहू ---
                        प्रश्न वेळी राहू महादशा राहू अंतर्दशा चालू होती . राहूचे कार्येशत्व आपण वर पहिले आहे . प्रश्न वेळी रवि विदशा चालू होती . रविचे  कार्येशत्व खालीलप्रमाणे ----
                                   रवि ---
                न . स्वामी .  राहू ---९ कयू मं १०,२                                               ९-----बाधक
                       सब      रवि ---                                                                     २ ----मारक
         स . न . स्वामी    राहू --- ९ कयू मं  १०,२
                               महादशा अंतर्दश मध्ये ६ भाव कोठेच लागत नाही म्हणून मी सूक्ष्म दशा पहायचे ठरविले . प्रश्न वेळी गुरूची सूक्ष्म दशा चालू होती . गुरुचे कार्येशत्व खालील प्रमाणे ---
                                गुरु ---४ कयू
              न . स्वामी  चंद्र ----४, ६
                     सब     शुक्र --- ७
          स.  न .स्वामी चंद्र ---४ , ६ 
                      गुरु सूक्ष्म दशा पहिल्या , दुसऱ्या  चौथ्या पायरीला ४ ( मोक्ष )  भावाचा कार्येश आहे तसेच दुसऱ्या  चौथ्या पायरीला ६ ( आजार  / रोग ) व ७ ( मारक ) स्थानाचा कार्येश आहे . गुरूची सूक्ष्म दशा
१ नोव्हेंबर २०१२ ते  ८ नोव्हेंबर २०१२ पर्यंत आहे . हा कालावधी जास्त घातक आहे  असे मला वाटले . फोन वर मी त्यांना सांगितले तब्येत नाजूक आहे काळजी घ्या . ८ नोव्हेंबर पर्यंत काळजी घ्या . त्यानंतर त्यांना बरे वाटेल .                
                                    अजून थोडे खोलात जाण्यासाठी मी प्राण दशा पहावयाचे ठरविले . त्यापुढील प्राण दशा बुध , केतू व शुक्र ची होती . त्यांचे कार्येशत्व खालीलप्रमाणे -----

              बुध ---                      केतू ---३ कयू शु ७                                शुक्र ---७
 न. स्वा शनि ---८,१२,१           रवि ---८                                               चंद्र --- ४,६
    सब   शुक्र ---७                   गुरु ---  ४ कयू                                        राहू --- ९
स. न.स्वा चंद्र ---४,६              चंद्र ---- ४ ,६                                           गुरु ---३,११,४,मं दृ १०,२

                           तिन्ही प्राण दशांचा विचार करता शुक्राची प्राण दशा फार घातक ठरणारी आहे . कारण शुक्र
        २,७ (मारक ), ९ (बाधक ), ६ ( आजार ), ३ (अष्टमाचे अष्टम ) ,१० ( लाभाचे व्यय ) या विरोधी भावांचा कार्येश आहे . बुध व केतू मध्ये ९ (बाधक ) भाव लागत नाही . शुक्र प्राण दशेचा कालावधी आहे----
                                                ४  नोव्हेंबर  २०१२ ते ६  नोव्हेंबर  २०१२
                दिनांक ५ नोव्हेंबर २०१२ रोजी सायंकाळी ५-३० वाजता आईची प्राण ज्योत मालवली 

Monday 20 January 2014

गृहकर्ज मंजुरी 

                                           मुंबईहून मला एक फोन आला . एका अपरिचित स्त्रीचा होता. मी विचारले माझा संदर्भ कोणी दिला ? तिने माझ्या ओळखीच्या व्यक्तीचे नाव सांगितले . मी विचारले तुम्हाला कशासंबधी मार्गदर्शन हवे आहे ? ती म्हणाली सध्या मी मुंबईत राहते . माझ्याजवळ आई , वडील व भाऊ राहतात . मी सध्या भाड्याच्या खोलीत रहात  आहे . भाऊ एका कंपनीत नोकरीला आहे . मी नृत्यविशारद आहे . मी नृत्याचे क्लासेस घेते . भावाचा पगार कमी आहे . मला क्लासेसच्या माध्यमातून बरयापैकी पैसे मिळतात . बरीच वर्षे भाड्याच्या खोलीत रहात  आहोत . राहण्याचे कॉनट्रयकट  संपले कि खोली खाली करावी लागते, असे वारंवार होते आहे . मुंबईत भाडे खूप आहे .
                                             माझा स्वत :चा एक फ़्लट असावा असे मला वाटते  भावाचा पगार व माझे क्लासेसची मिळकत मिळून एक वन बीएचके फलट घेण्याचा विचार करत होते. त्यासाठी मी काही साईट्स पहिल्या व माझ्या बजेट मध्ये बसेल असा एक फ़्लट मी बुक केला आहे . सुरुवातीला बिल्डरला रु दहा लाख दिले . बाकीच्या पैस्यासाठी मी बँकेत घर कर्जासाठी अर्ज केला आहे . अर्ज करून २-३ महिने झाले आहेत पण अध्याप बँकेने कर्ज मंजूर केले नाही . बिल्डर सारखा पैसे मागत  आहे . नाहीतर आत्तापर्यंतचे सर्व पैसे परत देतो व तुमचा   फ़्लट दुसर्याला देतो असे म्हणतो . फ़्लटचे ६०-७० % काम पूर्ण झाले आहे याघडीला फ़्लट सोडण्याची इच्छा होत नाही . बँकेत मी आवश्यक सर्व कागदपत्रे जमा करुन सुधा कर्ज मंजूर होत नाही . बँक म्हणते तुमचा व्यवसाय कर्ज देण्याच्या अखत्यारीत येत नाही . त्यामुळे मी काळजीत आहे. कर्ज मंजूर करण्यासाठी काही रक्कम मी सबंधित अधिकाऱ्याला दिली आहे . तरीसुद्धा अध्याप कर्ज मंजूर झाले नाही . माझे घरकर्ज केंव्हा मंजूर होईल ? असा प्रश्न मला विचारला .
                                       हा प्रश्न मी प्रश्नकुंडली प्रमाणे सोडवायचा असे ठरविले . त्यांना सांगितले १ ते २४९ यापैकी एक संख्या सांगा . त्यांनी थोडा  वेळ विचार करून मला २०१ हि संख्या सांगितली . दोन दिवसांनी उत्तर सांगतो असे सांगितले .  २०१ या संख्येवरून मी कृष्णमुर्ती पद्धतीची कुंडली तयार केली . कुंडलीचा अभ्यास करून नोव्हेंबर-डिसेंबर मध्ये कर्ज मंजूर होईल असे सांगितले . तेंव्हा त्या म्हणाल्या त्यावेळी खोलीचा ताबा मिळणार आहे . मी म्हटले या अगोदर कर्ज मंजूर होणार नाही असे ठामपणे सांगितले .
                                      डिसेंबर च्या शेवटच्या आठवड्यात त्यांचा मला फोन आला त्या म्हणाल्या कर्ज मंजूर झाले . मी म्हटले केंव्हा मंजूर झाले? . १० डिसेंबरला कर्ज मंजूर झाले व १७ डिसेंबरला कर्जाचा  पहिला हप्ता मिळाला .  .
                  

                    हा प्रश्न मी  ५ सप्टेंबर २०१३ रोजी १४-२५-५९ वाजता रे ७४ २६ अ १७ ५९ येथे सोडविला
                        षष्ठ स्थानावरून कर्जाचा विचार केला जातो . बँकेचा विचार सप्तम स्थानावरून केला जातो . सप्तमाचा व्यय म्हणजे षष्ठ स्थान  थकित असलेली रक्कम येणे किंवा उसने दिलेले पैसे मिळविण्यासाठी षष्ठ स्थानाचा सबचा विचार करावा लागतो .
                        कृष्णमुर्ती नियम ---- षष्ठ स्थानाचा सब २,६,११ या भावांचा कार्येश असेल तर २,६,११ या भावांच्या कार्येशाच्या दशेत  कर्ज मिळेल .
                       कर्ज फेडण्यासाठी षष्ठ भावाचा सब ५,८,१२ या भावाचा कार्येश असेल तर कर्ज फेड होते.  कारण ५,८,१२  साप्तमास्थानाचे २,६,११ भाव आहेत .
                      ह्या कुंडलीत षष्ठ भावाचा सब गुरु आहे . गुरु कर्ज मंजूर करणार कि नाही ते सांगणार आहे . चला तर पाहू गुरुचे कार्येशत्व -----
                                    गुरु ---५,१२,६ कयू
                 न . स्वा       गुरु ---५,१२,६ कयू
                      सब        गुरु ----५,१२,६ कयू
              स . न . स्वा   गुरु ----५,१२,६ कयु
                     षष्ठ भावारंभ मिथुन २१,१६,०२ असा आहे . व गुरु मिथुन २०,४७,०७ असा आहे . म्हणजे गुरु केवळ २९ कलेने षष्ठ स्थानाच्या मागे आहे . म्हणून गुरु पंचम भवायैवजि षष्ठ भावाची फळे देईल . षष्ठ स्थानाचा सब गुरु हा शष्ट भावाचा बलवान कार्येश आहे . कर्ज मंजूर होणार हे निश्चित झाले . आता केंव्हा मिळणार त्यासाठी महादशा-अंतर्दशा पाहाव्या लागतील .
                      प्रश्न वेळी शुक्रामध्ये मंगळाची अंतर्दशा चालू होती .
                    शुक्र ---९ कयू                                                         मंगळ ---
                    मंगळ --६,१०,११                                                     शनि   ---९,१,२ रा यु ९
                    शनि --                                                                   चंद्र ----  ७,र यु ७
                     राहू ---९ शु ८,४ श यु ९,१२ गुरु दृ ५,१२                   शुक्र ---  ८,४,५ ९ कयू

                                शुक्र   दुसर्या पायरीला ६,११ या प्रमुख भावांचा बलवान कार्येश आहे . मंगल दुसर्या पायरीला २ या भावाचा बलवान कार्येश आहे . म्हणून शुक्र मंगल दोन्हीही कर्ज मंजूर करण्यास अनुकूल आहेत  .  आता आपल्याला विदशा अशी शोधावी लागेल जी जास्तीत जास्त भावाची कार्येश असेल . प्रश्न वेळी शनि विदशा १० दिवस शिल्लक होती म्हणून मी ती सोडून दिली . त्यापुढील दशा खालील प्रमाणे
                                    बुध  विदशा ----१३/११/२०१३ पर्यंत
                                    केतू                  ८/१२/२०१३
                                    शुक्र                  १७/२/२०१३
                                    रवि                   १०/३/२०१३
                     1) बुध --८                                                                                              
                         रवि --७                                     
                        राहू --९शु ८ ४ श यु ९,१,२                                       
                         गु दृ ५,१२                               
                        राहू -- ९ शु ८,४ श यु ९,१,२ गु दृ ५,१२                                                                                                                                                     
                    
                    2) केतू --३ मं ६,१०,११ श दृ ९,१२                                                                          
                        शुक्र --८,४,९ कयु 
                        चंद्र ---७ र यु ७
                        शुक्र ,,,८,४,९ कयु 

                    ३)शुक्र ---९                                             
                       मंगळ --६,१० ११                                   
                       शनि --                                              
                       राहू --९,८,४ श यु ९,१,२ गु दृ ५,१२
                                       
                     4) रवि --                                                                              
                       शुक्र --८,४,९कयू 
                       राहू --९शु ८ ४ श यु ९,१,२ गु दृ ५,१२  
                       राहू --९,८,४ श यु ९,१,२  गु दृ ५,१२                    




बुध व रवि पूर्णपणे ५,८,१२ या विरोधी भावांचे कार्येश आहेत . केतू , शुक्र दोन्हीही २,६,१०,११ या प्रमुख भावांचे बलवान कार्येश आहेत . मा . गोंधळेकर सर म्हणतात छाया ग्रह नेहमी बलवान असतात . म्हणून मी केतू विदशा निवडली .
                     शुक्र महादशा ( २,६,११ ) मंगळ अंतर्दशा ( २ ) व केतू विदशा (२,६,११ ) या कालावधीत घर कर्ज मंजूर होईल . म्हणजेच १३ / ११ / २०१३ ते ८ / १२ /२०१३ याच कालावधीत कर्ज मंजूर होइल. घर कर्ज १० डिसेंबर २०१३ ला मंजूर झाले आहे . फक्त दोन दिवसाचा फरक पडला . हा फरक अयनांश अचूक नसल्यामुळे पडू शकतो . तो नगण्य आहे . 

               

Thursday 9 January 2014

 विवाह --२

                                           गेल्यावर्षी ऑगस्ट महिन्यात,(2012) मला अजून आठवते आहे २०-२२ वर्ष्याचा दोन मुली माझ्याकडे आल्या होत्या  त्यातली एक माझ्या परिचयाची होती दुसरी तिची मैत्रीण होती . परिचित मुलीने तिच्या मैत्रिणीची ओळख करून दिली  म्हणाली हिला ज्योतिषविषयक आपले मार्गदर्शन हवे आहे . तिची मैत्रीण म्हणाली मी पदवीधर आहे सध्या मी ब्युटी पार्लर चा व्यवसाय करीत आहे . घरात माझ्या लग्नासंबंधी स्थळे बघण्याचे चालू आहे . बर्याच वेळा पत्रिका  जुळत नाहीत .वडिलांचा हट्ट आहे पत्रिका जुळल्याशिवाय विवाह करायचा नाही .  हि म्हणाली आमच्या घरच्यांचा सरांच्यावर पूर्ण विश्वास आहे प्रत्येक वेळेला त्यांचा सल्ला घेतात . म्हणून विवाह योग केंव्हा आहे ते पाहण्यासाठी आम्ही आलो आहोत . 
                                             मी विचारले पत्रिका आहे का ? तिने तिची पत्रिका मला दाखविली । ती एक पारंपारिक पत्रिका होती . मी म्हणालो ह्या पत्रिकेवरून मी काही सांगू शकणार नाही . मी  कृष्णमुर्ती पद्धतीने पत्रिका पाहतो . मी त्या पत्रीकेमधील  जन्मतारीख ,जन्मवेळ   जन्मस्थळ  लिहून घेतले . त्यावरून कृष्णमुर्ती पद्धतीने कुंडली  तयार केली .  
                   कृष्णमुर्ती नियम -- सप्तमाचा सब २,७,११ / ५,८या भावाचा कार्येश असेल तर त्यांच्या दशा -अंतर्दाशेमध्ये विवाह होईल .
                            ह्या कुंडलीत सप्तमाचा सब शुक्र आहे . चला तर पाहू शुक्र हा २,७,११ या भावाचा कार्येश आहे का? तो विवाह देणार आहे का ?
                                   शुक्र --१०
               न . स्वामी  केतू   --९ कयू चं ७
                    सब       शनि --
        स . न . स्वामी   शुक्र --९,१२,१०
                           शुक्र  ७  या प्रमुख भावाचा बलवान बलवान कार्येश आहे . म्हणजे विवाह होणार हे निच्छित झाले . सर्व साधारणपणे सप्तमाचा सब   चंद्र , शुक्र असेल तर विवाह विवाहयोग्य वयात होतो. आता विवाह केंव्हा होईल ह्या साठी दशा अंतर्दशा पाहाव्या लागतील . 
                           प्रश्न वेळी राहू महादशा ६/ १० /२०२० पर्यंत  होती . व राहुमध्ये बुध अंतर्दशा 
१८ /९ /२०१० ते   ७ / ४/२०१३  होती . राहू व बुध यांचे कार्येशत्व खालीलप्रमाणे ----
                               राहू --३ कयू श २,४                                    बुध --१०,८,११
            न . स्वामी   चंद्र -- ७                                                     शुक्र --९,१२,१० कयू 
                  सब  मंगळ ---७,१,६,७ कयू                                     राहू --३ कयू २ , ४
      स . न . स्वामी चंद्र --- ७                                                     चंद्र ---७ 
                   प्रथम पायरीला राहू २ या प्रमुख भावाचा कार्येश आहे व दुसऱ्या ,तिसऱ्या चौथ्या पायरीला ७ या प्रमुख भावाचा बलवान कार्येश आहे . बुध प्रथम पायरीला ११ व तिसर्या चौथ्या पायरीला २,७ या प्रमुख भावांचा बलवान कार्येश आहे . राहू व बुध दोन्ही विवाहाला अनुकूल आहेत .   याठिकाणी  २, ७ , ११ या भावाची साखळी पूर्ण झाली आहे .  आता विदशा अशी शोधावी लागेल  कि जी जास्तीत जास्त भावांची कार्येश असेल . प्रश्न वेळी  गुरु , शनि यांच्या विदशा खालीलप्रमाणे ---
        राहू / बुध  / गुरु        ९ / ७ /२०१२ ते १० / ११ / २०१२
                         शनि       १० / ११ /२०१२ ते ७ / ४ /२०१३ 
                             गुरु --९ , ५ कयू                                  शनि --
          न . स्वामी शनि --२ , ४                                         शुक्र --९,१२,१० कयू मं  दृ ७, १ , ६
                सब      चंद्र    ---७                                          बुध --१०, ८, ११
      स . न . स्वामी चंद्र ---७                                            शुक्र --९,१२,१० कयू मं दृ ७ , १ , ६
          
                        वरील गुरु व शनि चे कार्येशत्व पाहता गुरु २, ७ ,५ या भावांचा कार्येश आहे   शनि सब च्या पायरीला ११ व ८ या पूरक भावाचा बलवान कार्येश आहे .  व त्याचबरोबर १, ६ ,१०, १२ या विरोधी भावाचा बलवान कार्येश आहे . म्हणून मी गुरु विदशा निवडली . 
                               राहू  / बुध  / गुरु    ९ /७ / २०१२ ते  १० / ११ /२०१२ या कालावधीत विवाह व्हावयास हवा 
             आपल्याकडे ह्या कालावधीत लग्ने होत नाहीत पण बैठका ,किंवा साखरपुडा होऊ शकतो . २३ मार्च २०१३ ला ह्या मुलीने मला फोन करून सांगितले आजच लग्नासंबंधी बैठक झाली लग्न करावयाचे ठरले आहे . २१ / ५ / २०१३हि लग्नाची तारीख धरली आहे .  लग्न ठरण्याचा कालावधीत शनि विदशा  होती . १० /११/२०१२ ते ७ /४ /२०१३. या ठिकाणी शनि १ ,६ ,१० १२ या विरोधी भावांचा  कार्येश असून   
 सुधा केवळ लग्नेश मंगळ अंशात्मक दृष्टीने सप्तमेश शुक्र ला पहात आहे . शनि दुसर्या व चौथ्या पायरीला
 ७ या प्रमुख भावाचा कार्येश आहे . या पत्रिकेमध्ये केवळ मंगळ दृष्टीने विवाह ठरला आहे .  

Tuesday 7 January 2014


विवाह --१

           दुपारची वेळ  होती मी वर्तमान पत्र   वाचत  होतो   दाराची बेल वाजली म्हणून मी दार उघडले तर , एक परिचित पति  पत्नी माझ्याकडे आले होते , ते घामाघूम  झाले होते . म्हणून मी त्यांना पाणी दिले . पाणी पिल्यानंतर शांत झाले . मी विचारले आज काय काम काढले ? ते म्हणाले आमच्या पुढे एक समस्या आहे. मी विचारले  कोणती समस्या आहे ?  . ते म्हणाले माझा थोरला मुलगा थोडासा अपंग आहे . त्याच्या उजव्या हाताला एक अंगठा आहे बाकीची चार बोटे नाहीत बोटाच्या ठिकाणी थोडेसे उंचवटे आहेत, तसेच डाव्या पायाला अंगठा आहे बोटे नाहीत . आमची  दोन दुकाने आहेत त्यातील  एक दुकान हा चालवतो . व्यवसाय चांगला करतो . आम्हाला त्याचे लग्न करायचे आहे . अशा मुलाचे लग्न होईल का ते विचारायला आम्ही आलो आहोत  . मी म्हटले का नाही होणार ? त्याची पत्रिका आहे का ? त्याची पत्रिका त्यांनी दाखविली . मी त्यातील  जन्मतारीख ,  जन्मवेळ जन्मस्थान लिहून घेतले . व कृष्णमुर्ती पद्धतीने कुंडली तयार केली . 
                                कुंडली  अभ्यास करून मी त्यांना सांगितले ६ /११ / २०१२ ते १० / १२/ २०१२ या  कालावधीत लग्न होईल .  
                   ह्या मुलाचे लग्न २९/१०/२०१२ रोजी नोंदणी पद्धतीने झाले .मी सांगितलेल्या कालावधी च्या अगोदर फक्त ७ दिवस .हा फरक नगण्य आहे .  हा फरक अयनांश ,स्थळाचे अक्षांश रेखांश,  जन्मवेळ अचूक नसल्यामुळे पडू शकतो
                   हा प्रश्न मी खालील पद्धतीने सोडविला .
       कृष्णमुर्ती नियम- सप्तमाचा सब २,७,११ / ५,८ या भावांचा कार्येश असेल तर त्यांच्या दशा -अंतर्दाशेमध्ये विवाह होतो . 
ह्या कुंडली मध्ये सप्तमाचा सब राहू आहे. राहू विवाह होणार कि नाही ते सांगणार आहे . राहू चे कार्येशत्व -----
                        सब निश्चिती साठी त्यावेळेचे एल एस आर डी पहिले . दि .४ /८/२०१२ वेळ १८. ३८. ५८
     एल - शनि ,एस -राहू , आर -शनि ,डी - शनि  सप्तमाचा सब राहू रुलिंग मध्ये आहे म्हणजे पत्रिकेची वेळ व पत्रिका बरोबर आहे .
                                  राहू --५,श २,४,५ र दृ ११,
                 न . स्वामी राहू --
                       सब --मंगळ
             स. न. स्वा --शनि --२,४,५,३ कयू 
  सप्तमाचा सब राहू २,११ या प्रमुख भावांचा व पहिल्या  ,चौथ्या पायरीला ५ या पूरक  भावाचा कार्येश आहे  . म्हणजे विवाह होणार हे निश्चित . विवाह केंव्हा होईल ह्यासाठी दशा - अंतर्दशा पाहाव्या लागतील ।
                           प्रश्नावेली  शनि महादशा मंगळ अंतर्दशा १ नोव्हेंबर २०११ ते १० डिसेंबर २०१२ पर्यंत होती . शनि व मंगळाचे कार्येशत्व खालीलप्रमाणे -----
                           शनि --३ कयू                                      मंगळ ---
   न . स्वामी        केतू ---११ र ११                                    शनि ----२,४,५,३ कयू
         सब            शुक्र ---                                                गुरु -----
   स. न. स्वा       शनि ---२,४,५ ३ कयू                           चंद्र ---१ मं दृ ६,७
                      शनि दुसरया व चौथ्या पायरीला ११,२ या प्रमुख भावाचा ५ या पूरक भावाचा कार्येश आहे .  मंगळ दुसरया पायरीला २,५ व चौथ्या पायरीला दृष्टीने ७ या प्रमुख भावाचा कार्येश आहे . शनि महादशा मंगळ अंतर्दश विवाहास अनुकूल आहे . यांच्या दशेमध्ये विवाह व्हावयास हवा . २,७,११ हि साखळी जुळविण्यास विदशा अशी शोधावी लागेल कि जी ७ या भावाची कार्येश आहे .  प्रश्नवेलि शुक्र रवि चंद्र यांच्या विदशा शिल्लक आहेत .
                   शुक्र --                                  
                  शनि -- २,४,५,३ कयू            
                  गुरु  ----                              
                  चंद्र  ---१                                
                 
                रवि ---११                                    
                 रवि ---११                                    
                  राहू ---५,श २,४,५ र दृ ११            
                राहू  ---५,श २,४,५ र दृ ११            

                  चंद्र        
                   गुरु ---८,३,६
                  बुध ---१२,९
                   मंगळ --६,७


वरील शुक्र , रवि , चंद्र यांचे कार्येशत्व पाहता व २,७,११ हि साखळी जुळण्यासाठी मी चंद्राची विदशा निश्चित केली कारण चंद्र यशाच्या चौथ्या पायरीला ७ या भावाचा बलवान कार्येश आहे
                       शनि महादशा, मंगळ अंतर्दशा, चंद्र विदशा मध्ये म्हणजे ६ नोव्हेंबर २०१२ ते १० डिसेंबर २०१२ या कालावधीत विवाह होईल असे सांगितले .
                     या मुलाचा विवाह २९ ऑक्टोंबर २०१२ रोजी नोंदणी पद्धतीने झाला . शनि , मंगळ व चंद्र ३ या भावाचे कार्येश आहेत    म्हणून नोंदणी पद्धतीने विवाह झाला  कारण तिसऱ्या भावावरून कागदोपत्री करार ,दस्त पहिले जातात . 

शुभम भवतु