कृष्णमूर्ति ज्योतिष: February 2014

Monday 24 February 2014

  जन्म वेळ निश्चित करणे  (लग्न शुद्धी भाग -१)      

                                               पंधरा दिवसापूर्वी जबलपूर मध्यप्रदेश येथून मला एक अपरिचित व्यक्तीचा  फोन आला . मी XXX आपला ब्लोग वाचला आहे . त्याने मला विचारले माझी पत्रिका काढाल का ? मी म्हटले काढेन कि . मला तुमची जन्मतारीख ,जन्मवेळ व ठिकाण ध्या . ते म्हणाले मला तारीख माहित आहे पण जन्मवेळ माहित नाही . आई म्हणते संध्याकाळी दिवे लावण्याच्या वेळेला जन्म झाला आहे . जन्म ठिकाण बेतुल आहे . मी म्हटले ठीक आहे मी पत्रिका काढण्याचा प्रयत्न करीन . मी त्यांची जन्मवेळ काढायचे ठरविले . तसेच त्यांना विचारले तुमच्या आयुष्यातील ठळक घटना सांगा म्हणजे काढलेली पत्रिका बरोबर आहे कि नाही ते तपासून  पाहता येईल . त्यांनी तीन घटना मला सांगितल्या . १) त्यांच्या नोकरीची तारीख २) वडिलांचा मृत्यू तारीख  ३) बहिणीचे लग्न .तारीख 

 जन्मतारीख ---१० / ०१ /१९७९        जन्म ठिकाण --बेतुल   वेळ - संध्याकाळी दिवे लागण्याची वेळ

दि . १८ / २ / २०१४  रोजी दुपारी ३=०७ वाजता हा प्रश्न सोडविला यावेळेचे एल एस आर  डी खालीलप्रमाणे 

                     एल --बुध   (मिथुन)
                     एस --चंद्र    (हस्त )
                    आर -- बुध  (कन्या )
                    डी    -- मंगळ ( मंगळवार )

              मिथुन राशी मध्ये मंगल , राहू व गुरु चे नक्षत्र आहे  पैकी मंगळ एल एस आर डी मध्ये आहे . तसेच कर्क राशी मध्ये गुरु शनि बुधाचे नक्षत्र आहे  बुध एल एस आर डी मध्ये आहे . मिथुन व कर्क यापैकी कोणते लग्न निवडावे . हा प्रश मला पडला . मी कर्क लग्नामध्ये बुधाच्या नक्षत्राची निवड केली कारण मिथुन लग्नामध्ये मंगळ एल एस आर डी मध्ये चवथ्या प्रतीचा आहे .   कर्क लग्न मध्ये बुध पहिल्या प्रतीचा आहे .
  म्हणून कर्क लग्न बुध नक्षत्र बुध उप नक्षत्र व मंगळ  सब सब यांची निवड केली .
                  कर्क लग्न - बुध नक्षत्र -बुध उप नक्षत्र - मंगळ सब सब अशी निवड केली


 के पी . नंबर ७५  चंद्र -बुध बुध -मंगळ    १७,३६, ४०   ते १७ , ४३ , १७  आहे याचा मध्य काढू . याचा मध्य ३,४२ येतो .   हा १७, ३६ , ४० मध्ये मिळवू

                कर्क लग्न     १७-३६ - ४०
                                           ०३-४२
                                  -------------------
निरयन लग्न कर्क लग्न १७-४०-२२         हे निरयन लग्न जन्मवेळी पूर्व क्षितिजावर उदित असताना जन्म झाला आहे .
                    निरयन जन्म लग्नावरून जन्मवेळ शोधावी लागेल .
 निरयन जन्म लग्न  कर्क १७-४०-२२ असे आले आहे जन्म ठिकाण बेतुल आहे     अक्षांश २१, ५४
 रेखांश ७७ , ५५ रेखन्तर काळ (-) १८=२० व दिनाक १० / १ /१९७९ या माहिती आधारे जन्मवेळ शोधू .
             निरयन जन्म लग्न कर्क    १७-४०-२२
  + जन्म  वर्षाचे अयनांश           +   २३-२८-२५
                                            -------------------------
   सायन   लग्न                    सिंह     ११ - ८ - ४७
            म्हणजेच                 ४,१७,८,४७
        अंशात रुपांतर               १३१- ०८ - ४७
  जन्म गांव बेतुल अक्षांश  , २१ , ५४ आहे पूर्ण अंश २२ घेऊ  कृष्णमुर्ती ज्योतिष रहस्य पान नंबर १८६-१८७---

               सायन जन्म लग्ना जवळचे   मोठे लग्न   १३१-३१-५५     सां काळ  २=२७
                            -"-                         लहान लग्न १३०-५२-०७      सां काळ  २=२४
                                                           ---------------------------------------------------
                                                      फरक                 ०-३९ -४८                     ०= ०३
३ मिनिटामध्ये लग्न ३९-४८ पुढे जाते . हि झाली लग्नाची गती
गणिताची सोयीसाठी ४० कला घेऊ .
               सायन जन्म लग्न                 १३१-०८-४७
               सायन लहान लग्न        -       १३०-५२-०७
                                                     --------------------------
                                                              ०-  १६  - ४०            सोयीसाठी १७ कला घेऊ
              ४० कला लग्न पुढे जाण्यासाठी (३ मिनिट )  १८० सेकंद लागतात
        तर  १७ कला जाण्यासाठी किती सेकंद लागतील      १८० x ७  / ४०  =   ७७ सेकंद =१ मी १७ से 

सायन लहान लग्नाचा सां काळ                       २=२४=००
   ०७ कला साठी लागणारा काळ       +            ० =१= १७
                                                          -------------------------
  जन्म वेळेचा सां काळ                                   २=२=१७
           वरील जन्म वेळेचा सां काळावरून जन्म वेळ खालील प्रमाणे

जन्म वेळेचा सां काळ                                       ता . मी .से
                                                                       ०२ = २५ =१७
यामधून जन्म तारखेचा ( १०/०१/१९७९ ) रात्रो १२=०० वाजताचा सां काळ वजा करायचा आहे . पण वजाबाकी होत नाही म्हणून सां काळामध्ये २४ तास मिळवावेत ---

        जन्म वेळेचा सां काळ                           ०२=२५=१७
                                                          +       २४=००=००
                                                             -----------------------
                                                                   २६=२५=१७
जन्म तारखेचा रात्रो १२=०० चा सां काळ   -    ०७=१४=४६
                                                               -----------------
                    संस्कारित वेळ                          १९=१०=३१
                       संस्कार करा         गुणिले १०   भागिले ६  = १९०+०२=१९२=३ मिनिटे १२ सेकंद 
                          संस्कारित वेळ                 १९=१०=३१
                             संस्कार                (-)            ०३=१२
                                                              ----------------
                                   स्थानिक वेळ          १९=०७ =१९
                              रेखन्तर काळ       (+)          १८=२०
                                                             ------------------
                                                                 १९=२५=३९
XXX    ची जन्म वेळ संध्याकाळी ७ वाजून २५ मिनिटे ३९ सेकंद अशी येईल .

हि जन्मतारीख बरोबर आहे कि नाही याची पडताळणी लग्न शुद्धी भाग-२ मध्ये केली आहे . त्यांनी दिलेल्या घटना म्हणजे १) नोकरीची तारीख   २) थोरल्या बहिणीचे लग्न   ३) वडिलांचा मृत्यू  ह्याची पडताळणी भाग -२ मध्ये केली आहे . कृपया ते पाहावे . 

                                                      
                                                                    


Tuesday 4 February 2014

+ विवाह ----  पत्रिकामेलन 

             शेकडा ९९ % लोकांचे विवाह होतात . विवाह केंव्हा होईल ? या प्रश्नामध्ये अजून एक प्रश्न अभिप्रेत आहे  तो म्हणजे त्यांचे वैवाहिक जीवन कसे असेल ? विवाह करणे एवढेच उधिष्ट नसते तर त्यापुढील कमीतकमी    २५-३० वर्षे वैवाहिक जीवन चांगले असले पाहिजे . हे अपेक्षित असते. बऱ्याच वेळा विवाहासाठी पत्रिका जुळवताना फक्त गुणमेलन पहिले जाते १८ पेक्षा जास्त  गुण असतील तर विवाह  जुळविला जातो . अन्यथा नाही . 
                  गुणमेलन पाहताना फक्त चंद्राचा व त्याच्या नक्षत्राचा विचार केला जातो . गुण पाहण्याचे एक साधे कोष्टक असते . दोघांची रास व जन्मनक्षत्र माहित असेल कि झाले . पंचागातील कोष्टकावरून कोणालाही किती गुण पडतात हे सांगता येईल .
संपूर्ण आयुष्याचे गणित या कोष्टकावरून ठरवायचे का ? 
हे तुम्हाला पटतंय का? ---------नाही ना .
 पत्रिका जुळविताना खालील गोष्टी पहाव्यात . 
१) वर-वधूचे आयुष्यमान   
२) शरीरप्रकृती  
३) जननक्षमता 
४) आर्थिक बाब 
 ५)नजीकच्या काळात येणारे  आजार 
६) दोघांचे पत्रीकेमधील रवि ग्रहामधील योग  
दोघांच्या रवि मध्ये युती ,लाभ ,नवपंचम , प्रतियोग असावा षडाष्टक अथवा केंद्र योग असू नये
रवि- शनि ,रवि- राहू / केतू एकत्र असू नये .
७)चंद्र हा मनाचा कारक म्हणून  चंद्रा मधील योग
 दोघांच्या चंद्रामध्ये युती ,लाभ ,नवपंचम , प्रतियोग असावा षडाष्टक अथवा केंद्र योग असू नये
८) एकमेकावरील प्रेम पाहण्यासाठी मुलीचा मंगल व मुलाचा शुक्र यामधील योग
 मुलीचा मंगल व मुलाचा शुक्र यामध्ये युती ,लाभ ,नवपंचम , प्रतियोग, असावा षडाष्टक अथवा केंद्र योग असू नये
९) एकमेकांना समजून घेणारे  म्हणजे रवि व गुरु यांचेमधील योग 
दोघांच्या रवि व गुरु मध्ये युती ,लाभ ,नवपंचम , प्रतियोग असावा षडाष्टक अथवा केंद्र योग असू नये
१०)सर्वात महत्वाचा म्हणजे वादविवाद संघर्ष यासाठी रवि व हर्शल यामधील योग
दोघांच्या रवि व हर्शल यामध्ये लाभ ,नवपंचम योग असावा युती,प्रतियोग,षडाष्टक अथवा केंद्र योग असू नये , युती असेल तर कमीतकमी रवि वर गुरूची दृष्टी असावी
११) दोघांमधील संवाद ,विचार यासाठी चंद्र व बुध यामधील योग 
  चंद्र व बुध यामध्ये युती ,लाभ ,नवपंचम , प्रतियोग, असावा षडाष्टक अथवा केंद्र योग असू नये
१२) विवाहानंतर येणाऱ्या दशा - अंतर्दशा वैवाहिक जीवनाला पोषक आहेत कि  नाही . या  सर्व गोष्टी विवाह जुळवताना पहिल्या पाहिजेत . 
                       विवाह  हि एक तडजोड आहे . सर्व गुणसम्पन कोण आहे? सुखी माणसाचा सदरा कोणाला सापडला आहे? वाद - विवाद कोठे होत नाहीत ? भांडण कोठे होत नाही? त्यावेळी एकमेकांना समजून घेणारे योग आहेत   का?  हे नको का पाहायला ?----------  आता मला सांगा केवळ गुण पाहून विवाह करणे हे कितपत योग्य आहे?     असे म्हणतात विवाह स्वर्गात ठरविले जातात ,आपण फक्त ते पृथ्वीवर साजरे करत असतो.  
            
  कृष्णमुर्ती पद्धती प्रमाणे ----         जन्मवेळेचे रुलिंग   प्लनेट जुळले पाहिजे . व वराचा सप्तमाचा सब वधूच्या २,७,११ या भावांचा कार्येश आणि वधूचा सप्तमाचा सब वराच्या  २,७,११ या भावांचा कार्येश असला पाहिजे . 
                               वराचे जन्मवेलेचे ग्रह वधूचे पत्रिकेत वैवाहिक सौख्य दाखवतात का ते पाहिले पाहिजे  तसेच वधूचे जन्मवेलेचे ग्रह वराचे पत्रिकेत वैवाहिक सौख्य दाखवतात का हे पहिलेच पाहिजे . 
                                 
                                            गेल्या आठवड्यात एक  वयस्कर पती- पत्नी माझ्याकडे आले होते . त्यांच्या मुलीचे विवाहासंदर्भात पत्रिका जुळविण्यासाठी आले होते . आमच्या मुलीसाठी हे एक स्थळ आले आहे. मुलगा इंजिनियर आहे . एका मल्टी   नेशनल कंपनीत नोकरीला आहे. पगार चांगला आहे . स्वत :चा flat आहे . त्यांनी मुलीला पाहिलेले आहे . ते आमच्या मुलीसाठी फार आग्रह करीत आहेत . आम्ही एके ठिकाणी पत्रिका दाखविली आहे , त्यांनी २५ गुण जुळतात . असे सांगितले . लग्न करावयास हरकत नाही .असे सांगितले आहे .                                     आमचे शेजारचे म्हणाले तुमच्याकडे पत्रिका दाखवून मगच निर्णय घ्या म्हणून आम्ही तुमच्याकडे  आलो आहोत . ठीक आहे . मी मुला-मुलीची  पत्रिका पहिली व त्यांना सांगितले पत्रिका जुळत नाही . ते म्हणाले का ? अहो मुलाच्या पत्रिकेत वैवाहिक सौख्य नाहीच . जो मुलगा संतती देऊच शकणार नाही त्याच्याशी  लग्न  का लावायचे ? मी त्या मुलाच्या पत्रिके बधल खालील गोष्टी सांगितल्या . 
      १) सप्तमभावाचा सब  शनि आहे. शनि तुळेत राहूच्या नक्षत्रात पंचमात आहे पंचमात शनि मंगळ युती आहे .          ज्यावेळी सप्तमभावाचा उप नक्षत्र स्वामी व त्याचा नक्षत्र स्वामी शनि , राहू , केतू असेल म्हणजे शनि -राहू ,शनि - केतू , राहू - केतू असेल तर ती व्यक्ती वैवाहिक सुख देऊ शकत नाही  . 
                      कोणताही एक ग्रह घटना घडवत नाही . ग्रहांचा समूह परिणाम घडवीत असतो . 
      २) वैवाहिक जीवनाचा कारक शुक्र व्ययात राहूच्या युतीत . राहू ज्या ग्रहाच्या युतीत असतो त्या ग्रहापासून मिळणाऱ्या सौख्याची हानी करतो . 
      ३) शुक्र रवीच्या युतीत व्ययात आहे . शुक्र अस्तंगत आहे . शुक्राणू संख्या गर्भधारणेसाठी पुरेसा नाही . 
      ४) व्ययात रवि , बुध , शुक्र , राहू युतीत आहेत . 
      ५) पंचम स्थानात दोन पापग्रह शनि , मंगळ यांची उपस्थिती 
      ६) सर्वात महत्वाचे म्हणजे  प्लुटो     हा पापग्रह स्फोटक , विध्वंस करणारा पंचम भावारंभी आहे . तो
            संतती स्थानाची हानी करतो .  
      ७) शुक्र नेपच्यून प्रतियोगआहे . नेपच्यून फसवणूक करणारा ग्रह आहे . 
      ८) पंचम भावाचा सब रवि व्ययात , व्ययाचा  बलवान कार्येश  रवि मंगळाच्या नक्षत्रात , मंगळ अष्टमेश शनीच्या युतीत पंचमात  संतती सौख्य नाही . 
      ९) विवाहाचा कारक गुरु व संतती चा कारक गुरु हा नवमांश कुंडलीत सिंह  वंध्या राशीत आहे . 
                     आता मला सांगा अशा   या  मुलाबरोबर विवाह केला तर ह्या गोष्टी केंव्हा लक्षात येणार ?, लग्नानंतर २-३  वर्षांनी . म्हणजे मुलीच्या वैवाहिक सौख्याचे बारा वाजणार . तेथून पुढे घटोस्फोट कडे वाटचाल सुरु होणार ---- पत्रिका पाहताना वरील सर्व योगांचा विचार व्हावयास हवा . 

प्रा . कोरडे पी आर . 
१४२, पद्मावातीनगर फलटण 
९६२३४७४६२७ / ९४०३८१२६२८